Азийн Монгол

Булганы арьс нөмөрсөн
Анчин малчин баатар эрс
Арчаад өнгөрсөн түүхтэй
Найман зБууны түүхтэй
Суут Монголын баатар эрс
Нарийн ширэн гөлмөн дээр
Ган дөрөөг дөрөөлж
Намхан чийрэг мориныхоо
Хур дэл дээр бөхийж
Наран шингэх зүг рүү
Саран бугуйл шидэж
Намтар түүхтэй Парижийн
Алтан цамхагийг уургалаад
Нааш цааш нь ганхуулж үзсэн түүхтэй

Засгийн сүр гэдгээр дэлхийг ингэж айлгасан юм
Зарлиг тушаал хоёрыг Европ тэгэхэд ойлгосон юм
Залуу баатар Тэмүжингийн
Санасан санаа тэгэж
Замбуу тивийн элгэн дээр
Хүн чулууг үлдээсэн юм
Овтой манжийн хаад шиг
Охидоо худалдаж
Оросын ядуу хаан шиг
Нийслэлээ галдуулж
Тэртээ Америк шиг
Тэнэгээрээ турхирч
Тэсэртлээ баяжиж
Тэнэж үзээгүй
Утаан дунд ч морьтойгоо явж
Усан дунд ч хувцастайгаа сууж
Ууж идсэн ч сэтгэлтэйгээ байж
Унтах нойрондоо хуягтайгаа хэвтэж
Өөрийн эрхийг тэгэж бид
Өдтэй сумаараа харваж олсон юм
Өөрийн гүрнийг тэгэж бид
Өдөр шөнөгүй хамгаалж төвхнүүлсэн юм
Москваг шатаасан Напелоны
Мөнхийн алдрыг дуулж байна
Альпыг даваад Европ руу
Атаклаж явсан Суворовыг
Түүхийн хуудсанд
Алтан үсгээр бичиж байна
Тэгвэл яагаад бид
Тэмүжинг дуудах нь байтугай
Эцсийн эцэст сайн мөрийг нь ч
Энхрийлэн нэрлэж болохгүй болов оо
Дэлхий дахины түүхэнд ч
Төрийн нуруу босгосон
Дэглэм сайтай цэргийн
Төмөр хүрээг анх үүсгэсэн
Тэргүүн жанжин Чингисийн
Төрж өссөн нутаг
Тэмүүжин Хасар хоёрын
Тоглож өссөн газар
Дэлүүн болдогийг ороосон
Ононгийн гол ширгэхгүй
Дээдэс хаадаа хүндэлсэн
Монгол түмэн устаагүй
Удам сайт Монголынхоо
Алдар түүх хоёрыг
Ураг хойчийн хүүхдүүддээ
Монгол сэтгэлээр хүргэх гэж
Уушгиныхаа гурван судсыг
Тасартал дуулна

Р.Чойном

Зvрх минь

Зvдрэл догдлолын хэмжvvр
Зvрх минь чи уучлаарай
Зvйтэй амьдралын зvйгvй өдрvvдэд би чамайг
Зvгээр нэг ч байлгасангvй уучлаарай

Өнөөдөр чи эмнэлэгийн vvдэнд
Өвчтөний бүртгэлд нэр бичvvлж
Харь хийцийн цахилгаан багажийн
Хариу хvлээж суух чинь аргагvй ээ!

Yvлэн чөлөөний нар шиг амьдралд
Yздэгээ чи vзлээ ядарлаа
Yй олон учрал тохиол цvнхэлд
Yхчихээгvй чинь их юм.

Газрын өөд өгссөн хvний зvрх нь ядардаг бол
Ганц олдсон нас минь тэр чигээрээ өгсөлт байсан юм чинь
Яруу найргийн дуут өндөр өөд бvх насаар авирсаар
Ядрах чинь тvмэн зөв миний зvрх.

Аюулт дайнд орсон хvний
Атгасан зvрх нь зовдог бол
Амьдрал минь бvхлээрээ тулалдаан байлаа
Алаг зvрх минь зовох нь зөвөө.

Илэрхий магтаалд хvний зvрх хөөрч зовдог бол
Ид насны минь гучин гурван хавар тэр чигээрээ
Иж бvрэн магтаал, алга ташилт, цайллага байсан юм чинь
Ингэж ядрах нь миний зvрхний тvмэн зөв.

Байлдааны сум бөмбөгөн дээр
Балталзаж айсаар хvний зvрх өвчилдөг бол
Yзэл суртлын бөмбөгөөр өдий их бөмбөгдvvлсэн миний зvrх
Yхчихээгvй нь их юм өвчлөх бага хэрэг.

Зvдрэл догдлолын хэмжvvр
Зvрх минь чи уучлаарай
Зvйтэй амьдралын зvйгvй өдрvvдэд би чамайг
Зvvгээр хатгуулж явсангvйг минь уучлаарай.

Янаглах эрхийн vнэмлэх
Ямар ч хvний урд байдаг гэвч
Миний зvрхийг хайрлаж даахгvй
Хvний хvvxэнд өгч байгаагvйг минь уучлаарай.

Дайсагнаж өгсөн хvндэлж барьсан
Дарсны амт адилхан боловч
Хуурмаг гараас бялдуучлалын дарсыг
Хувь илvv хvртсэнийг минь уучлаарай.

Зvрх минь чамайгаан би нэг ч жаргаасангvй
Зvрх минь чи намайг нэг ч зовоосонгvй
Хорвоогийн vнэнд аргагvй гvйцэгдлээ
Хоёул эмнэлэгийн хаалга татъя даа.

Р.Чойном

уг нь єєрийн мэддэг чойномын шїлэг байвал зїгээр байна