Нэг гарын таван хуруу шиг

Хэдэн сайхан нөхөд минь

Нэг насаар ханилах

Хэлцээгүй тангараг бидэнд бий!

Өдөр шөнийн турш бодож

Өр зүрхэндээ хадгалж явах

Тийм хэдэн нөхөдтэйгээ

Тэнгэрийн дор бардам явна!

Алдаагий нь хүртэл оноо шиг бодож

Амьд яваагийн минь шалтгаан тэд юм шиг санаж

Эзгүйд нь үгүйлж, галгүй гэрт даарч хонох шиг

Ирэхэд нь баярлаж гадаах нар гэрт орох шиг

Бодол санаа сэтгэл зүрх минь нэг

Болгоож харахад хэдэн бие нь л тусдаа

Тийм хэдэн нөхөдтэйгээ би

Тэнгэрийн доор бардам явна даа!

--------------------------------------------------------------
Миний хэсэгт зочилж байгаад тань баярлалаа